14-годишник уби седум и повреди најмалку 15 лица во пукање во училиште на Тајланд

Седум лица, вклучувајќи го и напаѓачот, се убиени во денешното пукање во училиште во округот Банг Круаи во покраината Нонтабури во Тајланд, соопшти полицијата.

Во нападот, кој го изврши ученик од деветто одделение на возраст од околу 14 години, повредени се најмалку 15 лица, од кои двајца се во критична состојба.

Претходно властите соопштија дека напаѓачот убил наставник и ранил четири лица, од кои тројца ученици.

Тајландскиот премиер Анутин Чарнвиракул изрази сочувство до семејствата на жртвите.

Student shooter dies by suicide after Nonthaburi school attack; 2 dead, up to 20 injured

A student believed to be the shooter in the attack at Debsirin Nonthaburi School in Bang Kruai district died by suicide after opening fire inside the school on Friday, according to officials… pic.twitter.com/ji5sky38tN

— Thai Enquirer (@ThaiEnquirer) August 7, 2026

– Ова е навистина страшно, не требаше да се случи. Не само што ми е жал за жртвите, туку ми е жал што ова се случи. Како може ова да се случи во нашата земја – рече тој и нагласи дека владата не им дозволува на граѓаните да поседуваат огнено оружје.

Напаѓачот кој пукал во училиштето бил ученик во деветто одделение, на возраст од околу 14 години, изјави утрово за Би-би-си шефот на полицијата во покраината Нонтабури, Дехрапи Конгди.

Полицијата претходно соопшти дека напаѓачот починал.

Инцидентот бил пријавен околу 10 часот по локално време во училиштето во округот Банг Круаи, по што на лице место се упатиле полиција и припадници на специјалните единици за да ја стават ситуацијата под контрола, пренесе порталот „Нејшн Тајланд“ (Nation Thailand).

Училиштето најави дека ќе издаде официјално соопштение, додека надлежните ја продолжуваат истрагата за инцидентот.