Со брза и храбра реакција на двајца случајни минувачи денеска е спасена жена која се нашла во реката Вардар кај Камениот мост во центарот на Скопје.
Според информациите на „Скопје1“, станува збор за жена на возраст од околу 50 години, која била извлечена од реката благодарение на двајца граѓани од Чаир. Тие без двоумење скокнале во Вардар и успеале да ја извлечат на безбедно.
Набргу по интервенцијата, на местото пристигнале две екипи на интервентната полиција, една екипа на „Алфа“ и екипа на Итната медицинска помош, кои ја презеле жената.
Таа била транспортирана во Ургентниот центар при комплексот клиники „Мајка Тереза“, каде што ѝ била укажана соодветна медицинска помош.
Благодарение на присебноста и несебичноста на двајцата случајни минувачи, спасувачката акција завршила успешно.
ИЗДВОЕНИ
УЧИЛИШТАТА ЌЕ ГО ДОЧЕКААТ СЕПТЕМВРИ СО 3.000 ПРВАЧИЊА ПОМАЛКУ: Белата чума урива историски рекорди во Македонија, ќе заѕвони ли ѕвончето за тревога?!
Дел од онколошката терапија пристигна, другиот за два дена
Граѓаните чекаат поевтина струја и повеќе часови евтина тарифа
Вината се бара на погрешно место – откупувачите пријавуваат субвенции, а не земјоделците
