Основното јавно обвинителство за организиран криминал и корупција и надлежната обвинителка Верица Бержецка ја затворија предистрагата за случајот со набавката на 17 модуларни болници за време на Ковид кризата и уште други три јавни набавки, за набавка на посебни контејнери и медицинска опрема.
Како што објасни обвинителката јавните набавки биле спроведени согласно процедурите, не бил оштетен државниот буџет, бидејќи најголем дел од средствата биле пренаменети од швајцарската амбасада.
Обвинтелката која што е трета по ред во истрагата рече дека не гледа конкретни дејства под кои би се остапило од процедурите и поради тоа нема прекршување на член 353 од Законот за кривична постапка- неизвршување на службена должност.
Од Обвинтелството нагласија дека станува збор за јавните набавки, а за материјалите од кои биле изградени модуларните болници, Светска банка дала позитивно мислење со одредени забелешки кои подоцна биле запазени. (П.А.)
