Комесарката за проширување на Европската Унија (ЕУ), Марта Кос, денес во Брисел изјави дека има јасна порака до сите земји од Западен Балкан дека има место за сите нив во проширувањето на ЕУ, а во врска со Србија дека исплатите од Планот за раст на Унијата не се официјално суспендирани.
„Имам јасна порака, има место за сите земји од Западен Балкан во Европската Унија. Проширувањето е приоритет за Европската Унија и ако нашите кандидати имаат резултати, тогаш и ние мора да постигнеме резултати“, изјави Кос пред новинарите пред почетокот на состанокот на Советот за надворешни работи на ЕУ и работниот појадок со шесторката од Западен Балкан.
Таа истакна дека ЕУ веќе дава резултати во врска со проширувањето и дека за прв пат по 17 години е формирана работна група за пристапување на нова земја, Црна Гора.
Таа рече дека ЕУ, исто така, дава опипливи резултати во врска со постепената интеграција на земјите и истакна дека минатата недела Србија им се придружи на Албанија, Црна Гора и Северна Македонија во платниот систем SEPA и дека сега се во тек подготовки за самитот ЕУ-Западен Балкан што ќе се одржи во Подгорица на 5 јуни.
„Очекувам навистина силна посветеност од сите кандидати од Западен Балкан да останат на европскиот пат“, рече таа.
ИЗДВОЕНИ
КОЛУМНА, ЗВОНКО ДАВИДОВИЌ: Судството како партиски реверс и обвинителството како немо сведоштво
Кандидатите за членство во Унијата ќе се доближуваат преку системот на „градежни блокови“: Макрон и Мицкоски на маса – Европа со нова понуда за Балканот
Агенциите бараат доплата по 20 евра од патник поради поскапите авионски карти
Факултетот за арт и дизајн – 20 години посветеност, знаење, визија и слободно креативно изразување!
