Портпаролот на иранското Министерство за надворешни работи, Есмаил Багеи, го критикуваше ставот на претседателката на Европската комисија, Урсула фон дер Лајен, за војната меѓу САД и Израел против Иран, велејќи ѝ сите да „ги поштеди од лицемерие“.
„Направивте кариера од тоа што бевте на погрешната страна од историјата, дадовте зелено светло за окупацијата, геноцидот и злосторствата, а сега ги миете злосторствата на агресијата и воените злосторства на САД/Израел против Иран“, напиша Багеи на својот профил на X.
Одговарајќи на ставот на фон дер Лајен дека „народот на Иран заслужува слобода, достоинство и право да одлучува за својата иднина“, Багеи напиша дека „Молчењето пред беззаконието и злосторствата не е ништо помалку од соучество“.
„Каде беше вашиот глас кога повеќе од 165 невини ирански мали ангелчиња беа масакрирани во градот Минаб? Зошто не кажувате ништо кога болниците, историските места, нафтените објекти, дипломатските полициски штабови, противпожарните станици и станбените области се цел на свирепи напади“, рече портпаролот, пренесе Танјуг.
Фон дер Лајен претходно нагласи дека иранскиот народ заслужува слобода, „дури и ако знаеме дека тој ќе го носи товарот на опасноста и нестабилноста за време и по војната“.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
