Трета година по ред, Здравствениот дом „Железничар“ организира бесплатно ПСЕ тестирање кое се одвива преку земање крв од прст. Годинава, за првпат во оваа иницијатива се вклучени и ранливите групи. Бесплатни тестирања за рак на простата ќе се спроведуваат од утре, 13 ноември во 13 часот и 13 минути. Од Здравствениот дом велат дека бесплатното ПСА-тестирање на машката популација ќе се одвива како поддршка на светското движење „Мовембер“
-Нема земање венска крв , се зима капка крв од прст и со тоа се добива концентрација на простата специфичниот антиген или протеинот кој го излачуваат клетките на простата во крвта. Тоа ни е првичното испитување до дијагнозата ,да дознаеме дали се случува некаква промена на нашето тело во однос на простата или е се во ред. Покачена вредност над 4 нанограми на милилитар не значи дека е нешто страшно, односно дека имаме канцер, тоа можеби значи дека е воспалување на простата , нејзино бенигно зголемување , воспаление на уринарниот систем , инфекција, така што … сето тоа треба да го спречиме и превенираме, вели директорот д-р Спасе Јанев
