„Теодор Рузвелт“ нема да пристигне на Блискиот Исток пред средината на ноември: Дали Трамп одложува нови напади?

Американскиот носач на авиони „УСС Теодор Рузвелт“, придружуван од четири воени бродови, е забележан на сателитски снимки јужно од островите Спратли во Јужнокинеското Море, објави „Ал Џезира“, повикувајќи се на анализа на сателитските снимки.

Патеката на движење на бродовите укажува на тоа дека оваа ударна група се упатува кон Блискиот Исток.

„УСС Теодор Рузвелт“ ја напушти поморската база Сан Диего во Калифорнија на 27 септември.

Потоа вплови во американската поморска база во Јокосука, Јапонија, за да учествува во воени вежби, по што се упати кон Јужнокинеското Море.

Американскиот медиум „Аксиос“, пренесе изјава од американски претставник, според која носачот на авиони ќе помине неколку дена во Сингапур, почнувајќи од петок, а во зоната на одговорност на Централната команда на САД (CENTCOM) ќе пристигне дури кон средината на ноември.

Со пристигнувањето, „Рузвелт“ ќе биде третиот американски носач на авиони во регионот, придружувајќи им се на „УСС Џорџ Х.В. Буш“ и „УСС Џорџ Вашингтон“.

Веста за одложувањето доаѓа во момент кога американскиот претседател Доналд Трамп размислува дали да започне напади врз Иран. Републиканската партија претрпе тежок пораз на изборите за Конгресот, одржани на 3 ноември. „Аксиос“ пренесува дека Трамп признал оти војна со Иран би била скапа за неговата партија.

Sentinel-2 satellite imagery captured today shows the USS Theodore Roosevelt (CVN-71) and its carrier strike group sailing in the South China Sea, heading west toward the Strait of Malacca.

They should arrive in the CENTCOM area around mid-November, bringing the number of American aircraft carriers deployed near Iran to three.

— Open Source Intel (@Osint613) November 4, 2026

На 2 ноември, Трамп изјави за „Аксиос“ дека „не брза“ да донесе одлука за започнување непријателства. Во интервју за „Фајненшел тајмс“, тој наведе дека е задоволен од моменталната ситуација и дека Вашингтон нема непосредни планови за напади, додавајќи: „Подготвени сме, доколку е потребно, но можеби нема да има причина за тоа“.

„Аксиос“ претходно објави дека израелскиот премиер Бенјамин Нетанјаху го повикал Трамп да изврши напад врз Иран веднаш по изборите. Засега, Трамп претпочита да им дозволи на преговорите да продолжат – стратегија што го загрижува Нетанјаху.