Тејлор Свифт ги сруши сите рекорди и станува најбогатата музичарка во историјата

Форбс проценува дека американската поп-ѕвезда Тејлор Свифт станала најбогатата музичарка во историјата со богатство од две милијарди долари, што е зголемување од 100% во споредба со 2024 година.

Свифт (36), пејачката зад големите хитови како „Shake it Off“, постигна статус на милијардерка во 2024 година благодарение на нејзината турнеја „Eras“.

Форбс ја нарече Свифт една од комерцијално најуспешните текстописци на сите времиња.

Свифт ја промени музичката индустрија во 2020 година кога повторно го сними поголемиот дел од својата дискографија. Како резултат на тоа, авторските права ѝ се слеваа во џебот.

Форбс, исто така, објави дека нејзината турнеја станала најуспешната концертна турнеја во историјата со приходи од 2,2 милијарди долари. Со тие пари, таа ги откупила своите оригинални мастер снимки, објави списанието.

На почетокот на својата кариера, Свифт потпишала договор со „Big Machine Records“ и таму ги снимила своите први шест албуми. Како и обично, правата ѝ припаѓаа на издавачката куќа, која ги продаде за повеќе од 300 милиони долари во 2019 година на холдинг компанијата на поранешниот музички менаџер Скутер Браун.

Свифт рече дека ова се случило без нејзина консултација или одобрение.

Следеше долгогодишен јавен спор, за кој Свифт често зборуваше во своите песни. Браун ги продаде правата во 2020 година, овој пат на Шамрок Капитал, инвестициска фирма во Лос Анџелес, од која Свифт сега ги стекна.

Свифт објави во 2025 година дека ги купила правата за своите први шест албуми.

Листата на милијардери на Форбс во голема мера се базира на јавно достапни информации за средства како што се акции, недвижнини, уметнички дела и други луксузни стоки.