Откако десетици илјади мигранти преминаа од Мароко во шпанската енклава Сеута, повеќето од нив се вратија во својата земја, но голем број малолетници останаа во Шпанија без родители и соодветна грижа.
Шпанските медиуми снимија шокантни сцени од улиците, вклучувајќи го и моментот кога војник придружува момче без придружба кон границата, додека тој во солзи се обидува да го спречи неговото враќање во Мароко.
„Ве молам, ќе ве бакнам во главата, не ме враќајте“, му вели момчето на војникот.
⛔️ "Please, uncle, I'll kiss your head".. A Moroccan child cries to a Spanish officer in Ceuta.. for not being returned home with the migrants who were deported‼️
⛔️What are the reasons that made a young child cry for not returning to his homeland? The answer is a corrupt… pic.twitter.com/FzYyasXT7b
— Dr.Sam Youssef Ph.D.,Ph.D.,DPT. (@drhossamsamy65) August 4, 2026
Според медиумските извештаи, тој бил предаден на Шпанската цивилна гарда, бидејќи на малолетниците без придружба треба да им се обезбеди заштита според законот.
Се проценува дека околу 1.000 малолетници сè уште се во Сеута.
Едно 17-годишно девојче изјави за АП дека го гледала како се дави нејзиниот 8-годишен брат. Таа била одвоена од мајка си и оттогаш проси по улиците на Сеута.
„Гледав луѓе како газат по мртви тела. Сега сме деца што просат по улиците“, рече таа преку преведувач бидејќи не зборува шпански.
Шпанскиот министер за внатрешни работи, Фернандо Гранде-Марласка, во вторник, 4 август, даде нова проценка за бројот на мигранти што влегле во Сеута минатата недела, велејќи дека вкупно околу 72.000 луѓе ја преминале границата. Од тој број, рече тој, 70.000 се вратиле. Локалниот службеник Алехандро Рамирез, сепак, рече дека е невозможно да се знае точниот број, проценувајќи дека помеѓу 3.000 и 5.000 луѓе останале во градот.
Шпанскиот министер рече дека 75 лица загинале, претежно во водата, за време на преминувањето. Мароко пријави уште 11 смртни случаи кои не се вклучени во шпанскиот број на жртви, соопшти шпанското Министерство за внатрешни работи.
