Тајфунот Бави, кој се движи помеѓу Кина, Тајван и Јапонија, денес донесе силни ветрови и обилни дождови во источните делови на Кина и го допре копното на покраината Жеџијанг.
Тајфунот денес ослабе, а тропската бура се смири, додека ветровите во центарот дуваат со брзина од 101 километар на час, според податоците од Националниот метеоролошки центар на Кина.
Се очекува Бави да продолжи да се движи кон северозапад, низ источна Кина.
Тајфунот вчера помина северно од Тајван, но не го допре копното.
Противпожарната служба на Тајван соопшти дека до утрово најмалку 134 лица се повредени низ островот.
Се очекува силни ветрови и обилни дождови да погодат многу градови во источна Кина денес, соопшти националната метеоролошка служба.
Повеќе од 290.000 луѓе се евакуирани од погодените области на Шангај, објавија локалните медиуми.
Властите во Жеџијанг евакуираа околу 2,2 милиони жители, додека повеќе од 180.000 луѓе беа спасени во покраината Фуџијан.
Аеродромите Пудонг и Хонгкијао во Шангај можеа да примат околу 653 дојдовни летови, објави Синхуа.
Според државната телевизија CCTV, повеќе од 1.300 дрвја беа исечени во крајбрежниот град Јуеќинг во покраината Жеџијанг, од кои најмалку 700 беа искоренети, пренесува „Бета“.
Typhoon Bavi 🌀 pic.twitter.com/KbPxf7osUB
— Danyal Gilani (@DanyalGilani) July 12, 2026
ИЗДВОЕНИ
ЖИВОТНИ ПАТОКАЗИ, ЗОРАН КРСТЕВСКИ: Силна верба
ЕКСКЛУЗИВНО ЗА ВЕСНИКОТ ВЕЧЕР: Врвот на „Синохидро“ со гаранција – идната година ќе се вози по автопатот Кичево – Охрид
Петровден е и денот на традиционалната културна манифестација Галичка свадба – живо сведоштво за дел од нашето културно наследство
Најголемиот маратон сега го пливам надвор од водата!
