Жителите на Каракас, главниот град на Венецуела, и другите големи крајбрежни градови имаа бессона ноќ откако разорните земјотреси го погодија регионот во среда навечер по локално време.
Според официјалните бројки, 235 лица загинаа, а повеќе од 4.300 беа повредени во земјотресите со јачина од 7,2 и 7,5 степени според Рихтеровата скала.
Сепак, бидејќи земјотресите што се случија во интервал од само 39 секунди урнаа и оштетија голем број високи згради, се сомнева дека бројот на жртви е далеку поголем, што е поткрепено и со информациите дека илјадници луѓе се водат како исчезнати.
Драматични снимки се појавија на социјалните мрежи и во медиумите, откривајќи го целосниот колапс и беспомошност на службите за итни случаи во Венецуела по разорните земјотреси. Снимките покажуваат спасувачки екипи како пребаруваат низ урнатините во темница, користејќи мобилни телефони како светилки.
Venezuela’s rescue teams were filmed using borrowed cellphones as flashlights, exposing a near-total lack of basic emergency equipment after years of economic collapse following devastating earthquakes.
Casualties still being assessed.
pic.twitter.com/6Mo2pMyUMh— Clash Report (@clashreport) June 25, 2026
Овие сцени ја разоткрија суровата реалност на терен. По години тежок економски колапс, на државните служби им недостасува дури и најосновната опрема за итни случаи, а камоли тешката механизација и напредните алатки за лоцирање на преживеани под тони бетон.
Токму поради овој очаен недостиг на опрема, пристигнувањето на најавената меѓународна помош и специјализираните странски тимови ќе биде клучно во трката со времето.
Imágenes aéreas de La Guaira. Terremoto en #Venezuela. No para de sorprender tanta tragedia. 🚨🆘‼️ pic.twitter.com/8tV85HNrle
— Cristian Crespo F. 🇨🇺 (@cristiancrespoj) June 25, 2026
Во исто време, објавени се нови снимки од хеликоптер кои ја покажуваат големината на штетата во крајбрежните градови Маикети и Ла Гваира во северна Венецуела. Се чини дека повеќето, ако не и сите, високи згради претрпеле сериозни структурни оштетувања, а многу од нив се урнале.
Како резултат на тоа, десетици, ако не и стотици илјади луѓе на северот од земјата останаа без засолниште, храна и вода.
ИЗДВОЕНИ
Опасна и експлозивна зона: Што е Огнениот прстен во Пацификот и зошто таму се концентрирани повеќето земјотреси во светот?
Историја за македонскиот тенис: Лина Ѓорческа прва Македонка на Вимблдон!
Наставниците кои се вишок ќе бидат асистенти со можност за продолжување
Жесток судир меѓу Филипче и Мицкоски во собраниската сала: „Нула резултати за две години“ наспроти „Требаше да сте зад решетки“
