Поранешниот генерален секретар на НАТО, Јенс Столтенберг, изјави во интервју за „ТВП Ворлд“ дека Европа ќе мора да ги обнови односите со Русија во одреден момент.
– Во моментов, односите се лоши. Ни треба силна одбрана за да се соочиме со „руската мечка“. Но, во одреден момент, сосема е можно да станеме пријатели со нив – рече тој.
Според Столтенберг, идејата дека Европа „по природа е предодредена да има лоши односи со Москва“ е заблуда.
Портпаролот на Кремљ, Дмитриј Песков, претходно изјави дека Русија е отворена за дијалог со европските земји и дека никогаш не била иницијатор за прекин на односите. Претходно, претседателот Владимир Путин истакна дека Европа, а не Русија, се откажала од преговорите. Одговарајќи на новинарско прашање за можен соговорник во преговорите меѓу Москва и Европа, тој рече дека лично би го претпочитал поранешниот германски канцелар, Герхард Шредер, но нагласи дека самите Европејци треба да изберат лидер кому му веруваат и кој не кажал никакви лоши работи за Русија.
ИЗДВОЕНИ
По Муамед Сејдини од истражен затвор пуштен и Илчо Ѓорѓиоски, поранешниот претседател на ФФМ гарантира со имот од половина милион евра
Проф. д-р Марко КИТЕВСКИ: Макавеи – празник, календар и гатање за времето
МПЦ-ОА му одговори на Вучиќ: Ги отфрламе сите политички, идеолошки светови или платформи, од каде и да доаѓаат
Ѓуретановиќ со нов личен рекорд на ЕП во Париз
