Ракетата „Фалкон 9“ на „Спејс Икс“ беше лансирана од вселенскиот центар Ванденберг во Калифорнија претходно оваа недела, успешно доставувајќи 25 сателити „Старлинк“ во орбитата.
Иако ваквите лансирања станаа вообичаени, компанијата достигна голема пресвртница: сега има повеќе од 10.000 активни сателити што орбитираат околу Земјата, според податоците на астрономот Џонатан Мекдауел, пренесува „Футуризам“.
Размерот на ова мега-соѕвездие за широкопојасен интернет е огромен и претставува голем проблем за астрономите ширум светот. Сателитите првично ја рефлектираа сончевата светлина и се појавуваа како светли ленти на сликите од ноќното небо, честопати видливи со голо око, што ги наведуваше луѓето да ги мешаат со НЛО. Поновите верзии беа подобрени за да бидат помалку забележливи, но проблемот не е целосно решен.
„Спејс Екс“ планира дополнително да се прошири. Во јануари, поднесе барање до Федералната комисија за комуникации на САД за дури еден милион дополнителни сателити што ќе служат како орбитални центри за податоци за развој на вештачка интелигенција. Планот предизвика загриженост кај астрономите, кои веруваат дека тоа би можело да ја загрози нивната работа.
Астрономот Џон Барентин и други експерти предупредуваат дека овие сателити би биле постојано осветлени од сончева светлина и видливи дури и ноќе, што претставува нов предизвик за астрономијата. Тие исто така истакнуваат дека голем број сателити што согоруваат во атмосферата би можеле да предизвикаат сериозно загадување, при што вселенските летала влегуваат во атмосферата на секои неколку минути.
Истражувачите предупредуваат дека честите лансирања и повторното влегување на вселенските летала би можеле да ја променат хемијата на атмосферата и да го забават обновувањето на озонската обвивка. SpaceX изјави дека ќе се обиде да го намали влијанието врз животната средина, но без детално објаснување.
Регулаторниот процес се движи брзо и покрај многуте коментари против проектот, вклучително и од конкурентски компании и научници, SpaceX продолжува со плановите.
Научниците предупредуваат дека таков развој би можел да има долгорочни негативни последици за вселената и неговата одржлива употреба.
ИЗДВОЕНИ
КОЛУМНА, ЗВОНКО ДАВИДОВИЌ: Судството како партиски реверс и обвинителството како немо сведоштво
Кандидатите за членство во Унијата ќе се доближуваат преку системот на „градежни блокови“: Макрон и Мицкоски на маса – Европа со нова понуда за Балканот
Агенциите бараат доплата по 20 евра од патник поради поскапите авионски карти
Факултетот за арт и дизајн – 20 години посветеност, знаење, визија и слободно креативно изразување!
