Структурните реформи во пазарот на трудот, човечкиот капитал, деловното окружување и доброто управување имаат потенцијал да го зголемат БДП на Македонија за околу 14 %, доколку се затвори половина од јазот во однос на водечките економии од Централна, Источна и Југоисточна Европа.
Ова го истакна гувернерот на Народната банка Трајко Славески на меѓународната конференција во Кишињев, Молдавија, при што говорејќи на панелот „Интеграција во единствениот пазар и структурна конвергенција“, оцени дека реалната конвергенција на земјите од Западен Балкан е бавна и оти структурните реформи се клучни за зголемување на потенцијалот за раст и побрзо приближување кон ЕУ.
Тој посочи дека макроекономската стабилност претставува основа за развој, додека трговската отвореност и интеграцијата во европските и глобалните синџири на вредност значително го промениле економскиот профил на земјата. Во 2025 година, трговската отвореност достигнала околу 130 % од БДП. Како приоритети ги издвојува институционалните реформи, владеењето на правото, ефикасноста на институциите и поголемата предвидливост. Според него, подлабоката интеграција во Единствениот пазар на ЕУ може дополнително да го забрза процесот.
Славески ја посочи и членството во СЕПА, нагласувајќи дека трошоците за прекугранични плаќања значително се намалиле, со проценети заштеди од околу пет милиони евра во првата година.
ИЗДВОЕНИ
ЈОВАНОВ БАРА ИЗЛЕЗ ОД КУЌЕН ПРИТВОР СО ШУПИ, ПЛЕВНА И НЕЛЕГАЛНИ ОБЈЕКТИ КАКО ГАРАНЦИЈА
АРСОСКИ: Мандатот не е привилегија, туку обврска, а довербата се оправдува со работа и резултати
Фон дер Лајен го отвора пакетот, што ќе добие Македонија?!
ХРАМОТ НА МАКЕДОНСКАТА ДЕМОКРАТИЈА ОДНОВО СТАНА АРЕНА НА ВЕРБАЛНИ ВАЛКАНИЦИ: Филипче го нарече Мицкоски „комплетен идиот“ – има ли дно во навредите!?
