Сирени за воздушна опасност одекнуваат во Емиратите: Прогласена ракетна тревога во Дубаи

Министерството за одбрана на Обединетите Арапски Емирати (ОАЕ) денес објави дека системите за воздушна одбрана на земјата откриле ракетна закана, за прв пат од мај оваа година.

Министерството објави на платформата X дека сите експлозии што можат да се слушнат се резултат на операциите за воздушна одбрана.

Сирени за воздушен напад се огласија во Дубаи, додека властите ги предупредија граѓаните веднаш да побараат засолниште во најблискиот безбеден објект поради можна ракетна закана, објавува „Џерусалем пост“.

Се нагласува дека Министерството за одбрана на ОАЕ ја потврдува својата целосна подготвеност да одговори на секоја закана и да го заштити суверенитетот, безбедноста и стабилноста на земјата.

„Поради моменталната ситуација и можните ракетни закани, веднаш побарајте безбедно место во најблискиот безбеден објект“, се наведува во предупредувањето издадено од Министерството за внатрешни работи на ОАЕ.

Нов знак за ескалација на Блискиот Исток

Инцидентот се случува во време на екстремно високи тензии меѓу САД и Иран, додека ситуацијата околу Ормускиот теснец се влошува. ОАЕ постојано беше изложена на ракетни и беспилотни летала од Иран за време на ескалацијата оваа година.

Нема потврда за штети или жртви во денешниот инцидент, ниту пак е јавно објавено колку ракети биле откриени или пресретнати.

رصدت منظومات الدفاع الجوي تهديد صاروخي على الدولة، يرجى متابعة التحذيرات والمستجدات من المصادر الرسمية.

وتوضح وزارة الدفاع أنه في حال سماع أي أصوات، فإنها ناتجة عن عمليات تصدي واعتراض منظومات الدفاع الجوي.

وتؤكد الوزارة أنها على أهبة الاستعداد والجاهزية للتعامل مع أي تهديد، بما… pic.twitter.com/a15FEqUevH

— وزارة الدفاع |MOD UAE (@modgovae) August 18, 2026