Иран започна со реновирање и дополнително зајакнување на подземен објект поврзан со развој на нуклеарно оружје додека договорот со Соединетите Американски Држави за замрзнување на нуклеарните активности сè уште беше на сила, според сателитските снимки анализирани од Институтот за наука и меѓународна безбедност.
Анализата заснована на слики објавени од CNN покажува дека работата била извршена во објектот Талеган 2, кој се наоѓа во рамките на воениот комплекс Парчин.
Сликите направени на 22 јуни и 7 јули покажуваат дека активноста на локацијата вклучувала не само расчистување на последиците од претходните напади, туку и реконструкција на самиот објект.
Првично, активностите изгледале како проценка на штетите и отстранување на остатоци, но подоцнежните слики сугерираат дека Иран започнал посуштински работи за реновирање на објектот.
Набљудуваната работа вклучува ископ околу три отвори на покривот на објектот, дополнително зајакнување на бетонската конструкција и поставување арматура за она што се проценува дека е нов, траен бетонски покрив.
Објектот Талеган 2 претходно бил поврзан со истражување и тестирање поврзано со нуклеарната програма на Иран.
Објектот беше уништен во израелски напад во октомври 2024 година, потоа обновен, а потоа повторно погоден во два напади во текот на март. Сателитските снимки покажуваат дека работите за реновирање биле во тек додека меморандумот за разбирање потпишан од Иран и САД на 17 јуни сè уште бил во сила. Според тој договор, Техеран се обврзал да ги замрзне своите нуклеарни активности.
Significant Activity at Taleghan 2 Identified in New Imagery
High resolution Airbus satellite imagery obtained by the Institute and @vantortech imagery provided to the Institute by @CNN from June and early July of the Taleghan 2 site, located within the Parchin Military Complex,… pic.twitter.com/YC1nVqPn7s
— Inst for Science (@TheGoodISIS) July 10, 2026
