Швајцарија ќе распореди околу 4.000 војници по границата со Франција за време на самитот на Г7 во Евиан-ле-Бен од 15 до 17 јуни, соопшти швајцарската војска.
Се очекува лидерите на големите светски економии, вклучувајќи го и американскиот претседател Доналд Трамп, да присуствуваат на самитот на брегот на Женевското езеро, заедно со други високи делегации.
Размерот на настанот и неговата близина до швајцарската граница бараат тесна координација меѓу цивилните и воените власти, соопшти единицата за планирање и команда на швајцарските вооружени сили, додавајќи дека се очекуваат демонстрации.
Воениот персонал ќе биде задолжен за заштита на критичната инфраструктура, вклучувајќи го аеродромот во Женева, зајакнување на граничните контроли и следење на главните транспортни правци, како и Женевското езеро.
Швајцарските воздухопловни сили, исто така, ќе придонесат за обезбедување на воздушниот простор, со ограничувања на сила од 10 до 19 јуни, и ќе обезбедат системи против беспилотни летала, како и заштита од нуклеарни, биолошки и хемиски закани, се додава во соопштението.
Земјите од Г7 се Франција, Обединетото Кралство, Италија, САД, Јапонија, Германија и Канада, пренесе „Бета“.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
