Шпанската Влада се закани дека ќе воведе контрамерки против патниците од Италија доколку Рим не ги укине граничните контроли воведени за патниците од Шпанија до недела, 9 август, по минатонеделниот прилив на мигранти во шпанската северноафриканска енклава Сеута.
Во соопштението на шпанската Влада се наведува дека мерките воведени од Италија се „неоправдани, спротивни на интересите на Европската Унија и дискриминаторски кон граѓаните на Шпанија“, објави „Ројтерс“.
Мадрид истакна дека ниту еден мигрант што нерегуларно пристигнал во Сеута минатата недела не може слободно да влезе во Шенген-зоната, во согласност со правилата за миграција што важат за таа шпанска енклава.
