Мал авион се урна во близина на аеродромот во Врсар, Хрватска. Според првичните извештаи, едно лице е повредено. Полицијата утрово околу 8:35 часот добила пријава дека мал авион се урна во близина на аеродромот во Врсар.
Едно лице е повредено, а другото лице поминало неповредено, објавија хрватските медиуми. Сите служби за итни случаи се испратени на местото на настанот, соопшти полицијата.
Според медиумските извештаи, пилотот на авионот е словенечки државјанин.
Врсар е град во Истра во близина на градот Пореч.
Ова е втора авионска несреќа за една недела во Хрватска. На 4 јуни, мал авион се урна во близина на Медулин, при што загинаа четири лица.












