Се појави првата наводна снимка од спасувањето на пилотот: Американците жестоко се судрија со Иранците кои се обиделе да го заробат/ВИДЕО

Се појави првата снимка која наводно прикажува жестоки судири меѓу американските сили и иранските милиции за време на спасувањето на вториот член на екипажот на соборениот Ф-15 во Иран.

Според тврдењата што ја придружуваат снимката, американските тимови за пребарување и спасување (CSAR) се судриле со членови на Басиџ, паравоена формација поврзана со Корпусот на иранската револуционерна гарда, кои се обидувале да го заробат пилотот во планинската област Кух-е-Сија во округот Кухдашт.

Се тврди дека американските хеликоптери за спасување биле под заштита на јуришен авион А-10, чиј пилот испукал водени ракети кон напаѓачите и ги спречил да се приближат.

Автентичноста на снимката сè уште не е независно потврдена.

Пилотот се криел кај локалното население
Според достапните информации, вториот член на екипажот – офицер за оружје – бил повреден по катапултирањето, но успеал да се движи и да избегне заробување повеќе од еден ден. По него истовремено трагале американските специјални сили и иранските единици.

Спасувањето на двајцата членови на екипажот на Ф-15 беше извршено во две одделни операции на специјалните сили длабоко на иранска територија.

Десетици авиони учествуваа во операцијата, а според неколку извори, за време на операцијата се случија директни судири меѓу американските и иранските сили.

Претседателот на САД, Доналд Трамп, објави дека двајцата членови на екипажот се спасени и дека нема американски жртви во операцијата, додека Иран тврди дека соборил неколку американски авиони за време на овие настани.

BREAKING: First video shows heavy clashes between USAF CSAR teams and IRGC Basij militants attempting to capture the second F-15E crew member who had been given shelter by villagers in Kuh-e-Siah, Koohdasht county, Iran. The A-10C+ pilot protecting the HH-60W CSAR helicopters… pic.twitter.com/EiCqo0KtzC

— Babak Taghvaee – The Crisis Watch (@BabakTaghvaee1) April 5, 2026

Иран нудеше парична награда за оној што ќе го најде, но САД го претркаа: Спасен вториот пилот на соборениот ловец „Ф-15Е“