Загреб ќе биде на тениската мапа следната недела. Во оваа прилика, Горан Иванишевиќ, поранешен тенисер и тренер на Новак Ѓоковиќ, даде интервју за „Спортске новости“.
Откако се раздели со Новак Ѓоковиќ, Горан Иванишевиќ се осврна на минатото, сегашноста и идните планови во својата тренерска кариера. Иако соработката со Стефанос Циципас, моментално е во фокусот, Иванишевиќ не ја затвори вратата за евентуално враќање во женскиот тенис.
„Не, добро се забавував и за време на подготовките, се вклучив во женскиот тенис, запознав многу добри девојки и квалитетни луѓе. Нема да кажам дека никогаш нема да се вратам, напротив, ако се укаже добра можност, зошто да не. Ова беше малку чудна, изолирана ситуација“, рече Горан.
Сега главниот предизвик е соработката со грчкиот тенисер Циципас.
„Тој е нов „проект“ за мене, иако никогаш не се знае. Досега, неговиот татко беше единствениот тренер во неговата кариера, а тоа е специфична врска што е тешко да се раскине. Сепак, познато е дека Грците се темпераментни, а Стефанос не е исклучок. Поминав пет години во тимот на Новак, па го познавам добро од теренот“, вели Иванишевиќ.
Иако моментално е во мал пад на формата, Иванишевиќ верува во потенцијалот на Циципас.
„Неговиот тенис има многу простор за подобрување. Играше во финалето на Австралија Опен и Ролан Гарос, цел живот е меѓу првите 10, таму му е местото. Нема да зборувам однапред, но кога навистина ќе почнеме, ќе имам повеќе да кажам“, рече Хрватот.
Од друга страна, поранешниот „победник“ Новак Ѓоковиќ поминува низ турбулентен период, бележејќи порази во раните фази од турнирот, вклучувајќи го и шокантниот пораз од Италијанецот Арналди во Мадрид.
„Вистина е дека резултатите се послаби, но јас гледам на тоа поинаку. Да не беше повреден во Австралија, сигурно ќе играше во финалето. Не очекував да изгуби во Мајами од Меншик, но поразот се случува. Воопшто не му требаше Монте Карло, дури ни не знам зошто играше таму. Сепак, Новак е Новак – само луд човек би можел да го отпише“, рече Иванишевиќ.
По поразот во Мадрид, Новак спомена дека можеби ова му е последен пат како игра таму, што многумина го протолкуваа како навестување за крајот на неговата кариера.
„Само тој го знае тоа. Она што го знам е дека тој е сосема поинаков играч кога е ментално присутен. А тоа особено важи за Грен-слем турнирите – тие се посебни турнири. Треба да биде победен на грен-слем турнир“, заклучи Горан Иванишевиќ.
