Во текот на ноќта, Русија ја нападна Украина со две балистички ракети и 269 беспилотни летала. Украинските воздухопловни сили соопштија дека силите за противвоздушна одбрана собориле или онеспособиле 247 воздушни цели. Регистрирани се погодоци на 25 локации, додека остатоци од соборените беспилотни летала паднале на уште осум други места.
Нападот сè уште трае, бидејќи неколку руски беспилотни летала сè уште се наоѓаат во украинскиот воздушен простор, пренесува „Украинска правда“.
Во нападот врз Киев, загина 21-годишна жена, а три лица се ранети.
„За жал, едно лице загина во непријателскиот напад. Изразуваме сочувство до нејзиното семејство и блиските“, соопштија од кабинетот на градоначалникот на Киев, Виталиј Кличко.
