Претседателот на Соединетите Држави, Доналд Трамп, им соопштил на своите советници дека ќе се воздржи од напад врз Иран, под услов САД да не се соочат со нови провокации од Техеран или од бунтовниците Хути во Јемен, кои се поддржани од Иран, објави денеска „Ројтерс“, повикувајќи се на повеќе извори.
За време на состаноците со советниците за национална безбедност и по серијата разузнавачки брифинзи, Трамп навестил дека размислува за одложување на нападот; сепак, неименувани официјални лица наведуваат дека тој сè уште нема донесено конечна одлука за тоа како да го реши конфликтот со Иран, кој започна во февруари.
Според еден висок американски функционер и уште едно лице запознаено со ситуацијата, Трамп побарал мислење од саудискиот престолонаследник Мохамед бин Салман и од турскиот претседател Реџеп Таип Ердоган за време на телефонски разговори во текот на изминатите две недели – при што и двајцата го советувале да не започнува напади врз Иран, пренесе „Танјуг“.
ИЗДВОЕНИ
Додека градоначалникот на Крива Паланка чека прогласување кризна состојба, приказната за македонскиот град окупиран од 1.000 крави стана и вест за „Еуроњуз“/видео
Мицкоски: Од длабок минус дојдовме до точка нула – од сега очекувам само раст и поинтензивен развој
Димитриеска-Кочоска: Определбата да нема промена на даночните стапки наметна внимателно планирање на Буџетот за 2027 година – наш приоритет е јавните финансии да бидат стабилни
Македонија повторно поразена, но по 844 минути постигна гол!
