Општина Ѓорче Петров продолжува со инвестициите во подобрување на условите за престој, воспитување и развој на најмладите. По цели 40 години, целосно се реконструирани три занимални во клонот „Детелинка“, со што децата и вработените добиваат значително подобри, побезбедни и посовремени услови.
Од Општината соопштија дека во рамките на реконструкцијата се поставени околу 200 квадратни метри нов под, целосно се обновени ѕидните површини, а изведена е и нова електрична инсталација.
– Со оваа инвестиција се подобрува функционалноста и безбедноста на просториите, но пред сè се создава попријатна и поквалитетна средина за секојдневниот престој на децата. Општина Ѓорче Петров останува посветена на континуирано унапредување на условите во детските градинки и училиштата, затоа што инвестицијата во децата е инвестиција во иднината на нашата општина – наведуваат од локалната самоуправа.
ИЗДВОЕНИ
ШТО СЕ КРИЕ ЗАД ПИ-АР СТРАТЕГИИТЕ ЗА СЕКОЈДНЕВНИ ОБРАЌАЊА НА ЈАВНОСТА? Партиската војна со пресови и соопштенија ја голта вистината
Ако има пари за субвенции, инвестиции и профити – мора да има и пари за достоинствена плата
КОЛУМНА, ЗВОНКО ДАВИДОВИЌ: Филтер за тогите
Скопје прекриено со чад, граѓаните пријавуваат мирис на изгорено
