В среда (7 мај), во Министерството за енергетика, ќе се потпише договорот со компанијата „Рапид билд“ од Куманово за изградба, на македонскиот дел до границата со Грција, на интерконекторот преку кој ќе се снабдува земјава со природен гас од гасниот терминал Александропули.
– Ние направивме сè за да биде успешен новиот тендер. Добивме 12 милиони евра пониска цена од првичната. Се чекаше на Европската инвестициска банка. Тоа требаше да биде во јануари, меѓутоа, поради некои административни процедури, ќе се потпише на 7 мај со прворангираната македонска фирма што беше избрана. Тоа е последен проект на ЕБРД што дава пари за гас. Тоа е нивна последна инвестиција за гас – објасни министерката за енергетика, Сања Божиновска.
Во случај Македонија да не успее да го изгради интерконекторот кон Грција, тие имаат право да бараат отштета од нас, односно државата ќе треба да им исплати толку пари колку што инвестирале од грчка страна, во својот дел
В среда (7 мај) во Министерството за енергетика, ќе се потпише договорот со компанијата „Рапид билд“ од Куманово за изградба, на македонскиот дел до граница со Грција, на интерконекторот преку кој ќе се снабдува земјава со природен гас од Александропулис. Во Грција, пред два и пол месеци, тамошната компанија „Терна“ ги започна прелиминарните работи за грчкиот дел од интерконекторот што ќе ги поврзе двете земји.
Компанијата „Рапид билд“ на вториот тендер понуди најниска цена од 59,9 милиони евра, што беше за 12 милиони евра пониска од второрангираната понуда на фирма од Србија.
– Ние направивме сè за да биде успешен новиот тендер. Добивме 12 милиони евра пониска цена од првичната. Се чекаше на Европската инвестициска банка. Тоа требаше да биде во јануари, меѓутоа, поради некои административни процедури, ќе се потпише на 7 мај со прворангираната македонска фирма што беше избрана. Тоа е последен проект на ЕБРД што дава пари за гас. Тоа е нивна последна инвестиција за гас – објасни министерката за енергетика, Сања Божиновска.
Според неа, изградбата на интерконекторот со должина од 67 километри ќе започне веднаш по потпишувањето на договорот и треба да заврши за 22 месеца.
– Се надевам дека сè ќе биде брзо и ефективно, а тоа ќе биде уште една алтернатива, бидејќи сега сме поврзани само со Бугарија. Разговараме и со Србија, таму имаме да изградиме само 26 километри од наша страна. Така што разговарав со заменик-министерката на Република Србија околу финансирањето, а ние ќе можеме да бидеме транзитна држава за централноисточна Европа – истакна министерката.
Првиот тендер за изведувач беше поништен, затоа што Европската банка имаше забелешка, поради која требаше да се повтори постапката. Според информациите, тогаш најниската цена за изградба на интерконекторот за природен гас со Грција била 71 милион евра.
Во случај Македонија да не успее да го изгради интерконекторот кон Грција, тие имаат право да бараат отштета од нас, односно државата ќе треба да им исплати толку пари колку што од грчка страна инвестирале во својот дел.
Интерконекторот е со должина од 123 километри, а македонскиот дел е 67 километри – од Гевгелија до Неготино. Парите за изградба на интерконекторот, 83,6 милиони евра, се обезбедени преку кредити и грантови од меѓународни финансиски институции.
Македонија неподготвена се вклучи во проектот „Александропули“, и скапо нè чини тоа. Според договорот потпишан со грчкиот партнер, Македонија, поточно компанијата ЕСМ е обврзана, според договорот за долгорочен закуп на преносниот капацитет, 15 години да плаќа по 300.000 евра месечно за закуп на капацитет за пренос на гас, сеедно дали се користи тој или не.
– Поради „паметните“ одлуки, ЕСМ секој месец плаќа по 300.000 евра и ќе плаќа 15 години за закуп на капацитет за гас што не го користиме. Користел – не користел, плаќаш, тоа се 3,6 милиони евра годишно. Го дознавме тоа кога почнаа да ни честитаат дека сме станале дел проектот „Александропули“, уште на 1 октомври минатата година. А ЕСМ и државата во моментов немаат ништо од тоа. Прашање е што мислеле претходните. Не знаеме чија идеја била ова, не била од ЕСМ, туку од многу погоре. Тогаш велеа, работете, мора да се спроведе тоа без испитување на пазарот, онака, без никаков бизнис-план, иако им било укажано дека не се влегува неподготвен во таков сериозен проект. Се одело да се спроведе по секоја цена – беше истакнато на брифингот со новинарите во Министерството за енергетика.
(С. Бл.)