Рускиот претседател Владимир Путин денес изјави дека Москва ќе ја зајакне својата воздушна одбрана поради неодамнешните напади од страна на Украина.
Одговарајќи на прашања од новинарите, Путин рече дека имало штета предизвикана од украинските беспилотни летала.
„За жал, некои од нив продреле. Русија има систем за воздушна одбрана, треба да го подобриме, да го зајакнеме и тоа ќе го направиме“, рече Путин.
Путин, исто така, додаде дека Русија е отворена за компромис за Украина во согласност со договорите постигнати за време на неговата средба со американскиот претседател Доналд Трамп во Анкориџ, Алјаска.
Путин ја отфрли идејата дека земјите од Европската Унија би можеле да дејствуваат како посредници во мировните преговори меѓу Русија и Украина, тврдејќи дека тие не се неутрални страни.
„Медијацијата претпоставува неутралност. Каде е неутралноста тука?“, праша тој.
Тој исто така нагласи дека потенцијалните медијатори од трети страни мора да бидат доверливи од двете страни.
„Како може Русија да им верува на луѓе кои со години ја повторуваат потребата да ѝ нанесат стратешки пораз на Русија?“, рече Путин, пренесе „Бета“.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
