Првпат од 2022 година: Цената на нафтата надмина 110 долари за барел – министрите за финансии на Г7 свикуваат итен состанок

Референтната цена на нафтата надмина 110 долари за барел за прв пат од 2022 година, бидејќи војната на Блискиот Исток продолжува веќе десетти ден.

Индексот DAX на Франкфуртската берза падна за 2,46 проценти на 22.931,69 поени денес во 9:30 часот наутро, францускиот CAC 40 за 2,74 проценти на 7.775,09 поени, британскиот FTSE 100 за 1,89 проценти на 10.093,20 поени, додека московскиот MOEX порасна за 1,42 проценти на 2.895,44 поени.

Вредноста на американскиот берзански индекс Dow Jones падна за 0,95 проценти на 47.501,55 поени на затворањето на тргувањето во петокот, S&P 500 за 1,33 проценти на 6.740,02 поени, а вредноста на индексот Nasdaq за 1,59 проценти на 22.387,68 поени.

Цената на златото падна на 5.102,92 долари за тројанска унца, а цената на пченицата се искачи на 6,1515 долари за бушел (еден бушел е еднаков на 27,216 кг).

Вредноста на еврото во однос на доларот на берзата Форекс е 1,15552 долари, што е за 0,56 проценти помалку отколку на почетокот на тргувањето.

Зголемувањето на цената веројатно дополнително ќе ги зголеми цените на горивата, а зголемувањето на цените можеби сè уште не е завршено, пишува „Би-би-си“.

Итен состанок на министрите за финансии на Г7 ќе се одржи подоцна денес за да се разговара за цените на нафтата.

Јапонскиот берзански индекс „Никеи 225“ падна за 5 проценти, а другите азиски финансиски пазари паднаа откако цените на нафтата скокнаа на повеќе од 110 долари за барел, потег што ќе биде тежок за економиите кои се во голема мера зависни од увозот на нафта и гас од Блискиот Исток.