Примирјето повторно во застој: САД нападнаа ирански крајбежни радари откако Иран лансираше дронови кон Ормусикиот теснец

Американските сили нападнаа ирански крајбрежни радарски места во неделата откако соборија беспилотни летала лансирани од Иран кон Ормускиот теснец, соопшти американската војска, во најновата ескалација што дополнително ги комплицира напорите за завршување на војната меѓу двете земји.

Американската војска верува дека четири ирански беспилотни летала биле насочени кон поморскиот сообраќај во регионот, изјави американски функционер за Ројтерс. Централната команда на САД (CENTCOM) објави на социјалната мрежа „Икс“ дека потоа биле извршени напади врз иранските надзорни места во Горук и на островот Кешм, кои се наоѓаат низ Ормускиот теснец.

Иранската револуционерна гарда соопшти дека испукала ракети врз американските бази во регионот како одговор на американските напади и отворила оган врз четири танкери кои се обиделе да поминат низ теснецот без нејзина дозвола.

Кувајтската воздушна одбрана пресретнала ракети и беспилотни летала од непознато потекло, објавија државните медиуми, додека сирените се огласиле во Бахреин, а на жителите им било наредено да се засолнат.

According to U.S. Central Command (CENTCOM), Iran launched a total of seven ballistic missiles against Bahrain and Kuwait earlier in retaliation for the shoot down of four one-way attack drones today over the Strait of Hormuz and U.S. strikes against Iranian coastal surveillance… pic.twitter.com/cRwhl6A153

— OSINTdefender (@sentdefender) June 6, 2026

Иран тврди дека испалил балистички ракети кон американските бази во двете земји, но американската војска вели дека шест ракети биле пресретнати, а седмата ја промашила целта, пренесе „Хина“.