Прашина од Сахара и валкан дожд над Македонија

Територијата на Македонија е под влијание на изразено јужно воздушно струење кое носи значителни количества прашина и песок од Сахара, поради што атмосферата е видливо заматена и загадена.

Во исто време, од југ се зголемува облачноста, што ќе донесе локални врнежи од дожд во текот на ноќта и денеска претпладне. Врнежи се очекуваат особено во западните и јужните делови од земјата, со слаб до умерен, а повремено и умерен интензитет.

Поради присуството на сахарска прашина, дождот ќе биде таканаречен „валкан дожд“, односно ќе содржи честички од песок и прашина.

Во Скопје и околината, исто така, се очекува слаб локален дожд во текот на ноќта и денеска претпладне.

Ќе дува слаб до умерен ветер од југоисточен правец.

Утринските температури денеска ќе се движат од 5 до 14 степени, додека дневните ќе достигнат од 15 до 21 степен. Во Скопје, температурата наутро ќе биде околу 9 степени, а преку ден ќе се искачи до околу 20 степени.

И покрај променливото време и врнежите, пролетните температури остануваат присутни низ Македонија, пишува Метеоаларм во најновата временска прогноза.

Африканска прашина повторно ја зафати Грција 

Голема концентрација на прашина од Африка повторно ја зафати Грција, а појавата ќе трае до четврток – јавуваат грчките медиуми повикувајќи се на метеоролошки прогнози.