Македонскиот платен промет преминува на меѓународниот стандард ISO 20022, со што се менуваат досегашните уплатници и начинот на означување на плаќањето. За граѓаните тоа значи дека добро познатите обрасци ПП 30 и ПП 50 се заменуваат со нови, а денарските трансакциски сметки отсега се наведуваат во задолжителниот IBAN-формат со 19 знаци и префикс MK07.
Старите трицифрени шифри за плаќање се заменуваат со четирибуквени ознаки. Така, платите се означуваат со SALA, комуналните сметки со UTIL, даноците со TAXS, а плаќањето за стоки и услуги со GDDS и SCVE. Во електронското и во мобилното банкарство, корисниците ќе ги избираат намените преку менија, без потреба да ги паметат кратенките.
За уплатите на шалтер се воведуваат нови обрасци: КТД наместо ПП 30, КТБ наместо ПП 50, ВГ наместо ПП 10 и ПГ наместо ПП 40. Компаниите ќе го користат ЗКТ наместо ПП 53 за групните исплати на плати.
Промената не значи отворање нови сметки или промена на парите, туку техничко усогласување на платниот систем. Таа е и подготовка за пристапување на земјата кон европската платежна зона SEPA, што треба да овозможи побрзо и поевтино прекугранично плаќање.
ИЗДВОЕНИ
Одбиено онлајн вклучувањето на Ива Михаилова на судењето, обвинителот бара објави од социјалните мрежи
Арсоски од Даблин: Европа не може да биде безбедна сè додека е поделена
ЦСР Гевгелија соодветно ја заштитиле Билјана од Богданци која месец дена подоцна беше запалена од момчето
Отворени шалтерите на „АЛТА банка“ АД Битола во Битола, Тетово и Струмица
