Три недели откако избувна пожар на товарен брод покрај брегот на Алјаска, бродот потона во Тихиот Океан со илјадници автомобили на него, објавија американските медиуми.
Сите членови на екипажот – 22 од нив – беа успешно евакуирани, а крајбрежната стража соопшти дека засега нема знаци на загадување.
Пожар избувна на 3 јуни на бродот „Морнинг Мидас“, долг 183 метри и тежок 46.800 тони, но никој од екипажот не е повреден, соопшти претходно американската крајбрежна стража.
🇨🇳 🇲🇽 BUQUE CON AUTOS ELÉCTRICOS SE HUNDE EN EL PACÍFICO 🚢
Morning Midas, un buque con más de 3,000 vehículos eléctricos procedentes de China con destino a México, se hundió en el Pacífico tras incendiarse por fallas en las baterías.
El incidente ocurrió a 770 km de Alaska. La… pic.twitter.com/qYMMEIkoB2
— México Ahora (@AhoraMex) June 26, 2025
Бродот, кој превезувал околу 3.000 автомобили, вклучувајќи 800 електрични возила, пловел под знамето на Либерија. Испловил од Кина, а неговата крајна дестинација била Мексико.
Компанијата што управува со бродот, „Зодијак Маритајм“, соопшти дека чадот прво бил забележан на палубата и дека екипажот не можел да го стави пожарот под контрола. Сепак, не е откриено кој е сопственик на бродот.
Бродот е изграден од кинеската компанија „Сјамен Шипбилдинг“.
Либерија најави истрага за причината за пожарот, додека „Зодијак Маритајм“ спроведува посебна внатрешна истрага.
И компанијата и крајбрежната стража нагласуваат дека е прерано да се извлекуваат заклучоци дали електричните возила го предизвикале пожарот.
