Шпанската полиција денес соопшти дека повеќегодишна истрага, во соработка со еквадорските власти за разбивање на мрежа за шверц на дрога, довела до 44 апсења и запленување на 21 тон кокаин.
Цивилната гарда соопшти дека операцијата со Националната полиција на Еквадор, под надзор на Европол, била насочена кон мрежа финансирана од инвеститори во Дубаи, која шверцувала дрога од Јужна Америка во Шпанија во контејнери за превоз.
Првите апсења се случиле во март 2025 година, кога еквадорската полиција привела 36 осомничени и извршила рации во околу 50 објекти во земјата, според Цивилната гарда.
Шпанската полиција потоа уапсила осум осомничени во рации во Шпанија, каде што биле запленети 1,15 милиони долари (еден милион евра).
Шверцерите ја криеле дрогата во комерцијална стока испратена првенствено од пристаништето Гвајакил.
Тие користат комерцијални пратки во Европа за да ја сокријат дрогата, често меѓу бананите, пренесе „Бета“.
ИЗДВОЕНИ
Работодавачите го гледаат само профитот, а работниците паѓаат во несвест од жештините
Ќе донесе ли европската енергетска криза повисоки сметки за струја?
Гостиварци две недели без вода – кој ќе ја плати сметката?!
Тирана ги затвори границите за Валон Бела и Бекир Халими, Скопје без официјална нота и без детали
