По две години подготовка, „револуционерен“ закон кој има за цел да обезбеди „иднина без чад“ за Велика Британија ќе стапи на сила кога ќе го потпише кралот.
Носителите на одлуки во земјите во светот велат дека новата мерка ќе спаси животи, ќе го олесни товарот врз здравствениот систем и ќе заштеди милијарди фунти. На младите нема да им биде забрането пушењето, но на трговците на мало ќе им биде забрането да продаваат цигари на гореспоменатите и идните генерации. Во исто време, министрите ќе добијат и нови овластувања за регулирање на производите од тутун и никотин, како и електронските цигари, вклучувајќи ги нивните вкусови и пакувања.
„Всушност, ова е најголемата интервенција во јавното здравство во една генерација и можам да ги уверам сите во Домот на лордовите дека тоа ќе спаси животи“, рече бароницата Мерон, државен министер во Министерството за здравство и социјална грижа, потсетува Н1.
Различни организации со децении лобираа кај Владата да донесе таков закон, нагласувајќи дека забраната за продажба на тутун ќе ѝ заштеди на Британската национална здравствена служба (NHS) милијарди фунти. Тие изразија надеж дека другите земји, доколку нивниот Устав им дозволува, ќе го следат нивниот пример.
Нов Зеланд донесе сличен закон во 2022 година, но пред да стапи во сила, новата Влада го повлече за да го пополни буџетот. Бидејќи законот во Велика Британија беше инициран за време на конзервативна влада и поддржан од Лабуристите, се очекува да остане во сила дури и ако има промена на владата.
Според Канцеларијата за национална статистика на Велика Британија во 2024 година, околу 10,6% од лицата над 18 години во Велика Британија користеле цигари повремено или секојдневно (околу 10% од лицата над 16 години користеле електронски цигари).
