Постапките на Европејците мора да престанат да бидат контрадикторни за Русија да може да верува во нивната желба за постигнување мир, изјави портпаролот на Кремљ, Дмитриј Песков.
Според него, Европејците се караат „како пајаци во тегла“ штом некој од нив ќе преземе иницијатива за воспоставување контакт со Русија.
„Постапките на Европејците се во спротивност со нивните изјави за мир“, рече Песков, додавајќи дека, досега, Европејците не успеале да утврдат кој би можел да ги претставува во дијалогот со Русија во врска со Украина.
„За време на преговорите во Абу Даби, Европејците изразија подготвеност да испратат воен контингент во Украина. Со други зборови, нивните постапки се во спротивност со сите нивни изјави за подготвеност да се залагаат за мир. Всушност, тие ги насочуваат работите кон продолжување и проширување на војната, додека истовремено зборуваат за мир. Тоа е тој ’маѓепсан круг‘ за кој зборуваше претседателот“, изјави Песков.
Претходно вчера, рускиот претседател Владимир Путин во Кремљ ги прими американските преговарачи Стивен Виткоф и Џаред Кушнер, пренесува Танјуг. Тој им рекол дека Русија би сакала тие да вложат напори за да ѝ помогнат на Европа да одлучи дали сака мир или војна во Украина.
