Кирил Дмитриев, извршен директор на Рускиот фонд за директни инвестиции (РФДИ), и Јана Лантратова, руски комесар за човекови права, ќе ја претставуваат Москва на средбата со првата дама на САД, Меланија Трамп, закажана за 5 ноември, изјави портпаролот на Кремљ, Дмитриј Песков.
„Се надеваме дека Кирил Дмитриев ќе биде таму, но најважното, колку што разбрав, е дека Јана Лантратова ќе присуствува – под услов да пристигне навреме“, им рече Песков на новинарите.
Тој додаде дека тие двајца ќе ја сочинуваат руската делегација, откако ќе се финализираат сите логистички детали.
Во вторникот, американската администрација на својата официјална веб-страница објави дека Меланија Трамп во четврток во Белата куќа ќе се сретне со претставници од Русија и Украина.
Според „РИА Новости“, се очекува таа да одржи и говор во врска со прекин на огнот во градот Олешки, кој се наоѓа во регионот Херсон.
Песков претходно потврди дека трилатерални разговори за Украина се закажани за 10 и 11 ноември во Абу Даби.
ИЗДВОЕНИ
Десет илјади денари неделно среде сеидба не се доста ни за гориво за тракторите!
Вработена на студентски прашања и ИТ менаџерот од штипскиот Универзитет правеле пиши-бриши со испитите
Колумна, Гордан Јорданов: Американските меѓуизбори: политички пресврт во Вашингтон и нов тест за македонската дипломатија
Кос со јасни услови за Македонија – уставните измени се клучот
