Клубот за планинарски спортови, „Осоговски орел“ од Кочани, в сабота, организира акција за пошумување во месноста викана Пресечена скала над фабриката за вода во Кочани, во чест на сите загинати во пожарот во дискотеката „Пулс“, во кој животот го загубија и членовите на клубот, Ѓорѓи Величков и Диме Димитров. Воедно, ќе се организира и прошетка околу браната Гратче.
Пошумувањето започнува во 13 часот. Зборното место е Пресечена скала, а крајната точка се водопадите на Кочанска Река, во должина од околу 8 километри.












