Поранешниот унгарски премиер Виктор Орбан најави почеток на жестока политичка битка против владата на Петер Маѓар, пет месеци откако неговата партија Фидес претрпе тежок изборен пораз.
Орбан преку Фејсбук објави дека Фидес го менува својот пристап кон новата унгарска влада.
„Бевме трпеливи – можеби и повеќе отколку што беше потребно. Исто така, постапувавме фер – со оглед на нивното однесување, можеби и повеќе отколку што беше потребно. Поминаа пет месеци. Таа фаза заврши“, рече тој.
The grace period for the neo-communists is over. The gloves are off. We’re ready to fight! pic.twitter.com/ryfc6rUtcs
— Orbán Viktor (@PM_ViktorOrban) September 12, 2026
Неговата партија Фидес претрпе убедлив пораз на парламентарните избори во април. Според објавените резултати, партијата Тиса на Петер Маѓар освои 141 од 199-те пратенички места, додека Фидес освои 52 мандати.
Сега, Орбан најавува премин кон многу поагресивен опозициски став.
„Мораме да фрлиме ракавица и да се бориме. Оваа влада сака да ја претвори Унгарија во колонија, а ние мораме да направиме сè за да обезбедиме нашата земја да остане суверена“, изјави тој.
Орбан исто така тврди дека политиките на Тиса би можеле да доведат до тоа унгарската економија повторно да падне „под странска контрола“.
ИЗДВОЕНИ
АПЧЕ ЗА АБОРТУС ОД „ЖЕНСКИ МУАБЕТ“ ДО ЦРН ПАЗАР – ЛЕКАРИТЕ ПРЕДУПРЕДУВААТ ДА НЕ СЕ ПИЕ НА СВОЈА РАКА
Премиерот добивал закани по живот, уапсен 39 год. маж од кумановско Черкези
Скопје „гори“ од скапотија, за нормална живејачка во сопствен стан се потребни 565 евра
Владата ќе го намалува ДДВ за дизелот, опозицијата бара уште пониски давачки
