петок, ноември 20, 2026
Дома БАЛКАН Официјално слободни: Заврши постапката против девет студенти во Србија за обид за...

Официјално слободни: Заврши постапката против девет студенти во Србија за обид за насилна промена на уставниот поредок 

1

На денешното завршно рочиште во Палатата на правдата во Белград, постапката против девет студенти – осомничени за поттикнување насилна промена на уставниот поредок – заврши откако обвинителството се откажа од обвиненијата поради недостиг на докази.

Јавниот обвинител не се појави на рочиштето. Адвокатите на одбраната му се заблагодарија на судијата Милош Лабудовиќ за неговата храброст во текот на целата постапка, гест што беше проследен со аплауз од сите присутни во судницата.

По протестот „Се гледаме на Видовден“, одржан на 28 јуни минатата година во Белград, беа уапсени девет студенти. Вишото јавно обвинителство ги товареше за кривично дело подготовка на дејствија против уставниот поредок и безбедноста на Србија. По притисокот од јавноста, уапсените студенти беа ослободени и им беше дозволено да останат на слобода додека го чекаат судењето.

Главниот претрес започна на 15 јуни 2026 година, додека студентите беа приведени на 29 јуни 2025 година – по големиот собир по повод Видовден – под сомнение дека повикувале на насилно уривање на уставниот поредок.

 

View this post on Instagram

 

A post shared by Danas (@danas.rs)

ИЗДВОЕНИ