Од 1 ноември поскапува онлајн купувањето

Европската Унија воведува нова такса за малите пакети, која треба да почне да се наплаќа од 1 ноември. Дополнителната такса се однесува на производите нарачани преку Интернет и увезени во ЕУ. Износот на таксата ќе биде одреден од Европската комисија, а ќе ја наплаќаат националните тела. Дополнителните такси се воведуваат за да се обиде да се намали големиот прилив на евтина стока, главно од Кина.

Тоа ќе биде втората такса воведена за малите пакети оваа година. Имено, од јули 2026 година, веќе е во сила царинската давачка за стоки од трети земји од три евра за секоја група производи во пратката.

Според соопштението на Европската комисија, сега се воведува такса за ракување со малите пакети. Во текот на 2025 година, царинските служби обработиле околу шест милијарди пакети нарачани преку онлајн продавници, а повеќе од 90 проценти од нив пристигнале од Кина. Целта на овие такси е да се намалат таквиот прилив и количината на евтини производи на пазарот на ЕУ.

Кинезите веќе се приспособиле на оваа нова ситуација, а откако стапија новите царински правила во сила на 1 јули, тие испраќаат сè повеќе стоки од магацините во Европа. ЕУ сега ќе се обиде со друга такса. Пред да стапи во сила, сè уште е потребно формално одобрение од Европскиот парламент.

Европската комисија наведува дека целта на таксата е да ги покрие зголемените трошоци поврзани со растот на бројот на мали пакети, меѓу кои се и трошоците за инспекција и следење на увозот.