Манчестер јунајтед претрпи уште еден болен удар и се чини дека трпението на навивачите на „Олд Трафорд“ е прикрај.
„Црвените ѓаволи“ беа елиминирани од Лига-купот по заслужениот пораз од Брајтон со 3:2, иако водеа со 2:0 по само десет минути игра.
По последниот свиреж, гласните свирежи упатени кон Мајкл Карик одекнуваа низ целиот стадион, а многу навивачи останаа на трибините за да го изразат своето незадоволство од настапот на својот тим, кој повторно беше разочарувачки.
На социјалните мрежи беа лансирани бран пораки со кои се бара Карик да ја напушти клупата на Манчестер јунајтед веднаш. Многумина веруваат дека најновиот колапс е само продолжение на лошиот почеток на сезоната и дека е време за промена на „Олд Трафорд“.
Антонио Конте најчесто се споменува како можен наследник, тој е познат по тоа што многу брзо ги менува менталитетот и резултатите на тимовите што ги презема, но едно друго име одекнува сè погласно меѓу навивачите на Јунајтед. Според реакциите на навивачите на клубот на социјалните мрежи, голем број од нив посакуваат да дојде Јулијан Нагелсман. Поранешниот селектор на Германија и еден од најпочитуваните европски експерти се смета за тренер што би можел да донесе помодерен стил на игра и нова енергија.
Неговиот најпознат прекар е Бејби Мурињо, го доби додека беше во Хофенхајм затоа што правеше чуда како многу млад тренер и поради својата тактичка репутација. Подоцна изјави дека не му се допаѓа прекарот затоа што сака да има свој идентитет. На крајот, овој 39-годишник е слободен и сигурно би сакал покана од култен клуб како Манчестер јунајтед.
