Портпаролот на иранското Министерство за надворешни работи, Есмаил Бакаеи, објави на социјалните мрежи дека 168 деца биле убиени во напад со крстаречки ракети „Томахавк“ врз училиште за девојчиња на 28 февруари. Тој тврди дека станува збор за намерен двоен напад на САД (напаѓање на истата цел двапати).
Тој го нарече нападот „непростлив и тежок воен злостор“ и рече дека одговорните мора да се соочат со последиците.
Неколку медиуми сугерираа дека во нападот можеби биле употребени американски крстаречки ракети „Томахавк“, но Вашингтон ги негираше таквите обвинувања.
„Њујорк тајмс“ денес објави дека прелиминарната воена истрага утврдила дека САД се одговорни за ракетниот напад врз училиште во Иран и дека причината е грешка во насочувањето поради користење на застарени разузнавачки информации.
Неколку часа подоцна по објавувањето на таа статија, еден новинар го праша американскиот претседател Доналд Трамп за најновите информации дека истрагата потврдила дека САД го нападнале училиштето, но американскиот претседател избегна одговор, велејќи само: „Не знам ништо за тоа“, пренесува Индекс.хр.
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
