Британската полиција уапси маж под сомнение за нарушување на јавниот ред и поседување оружје во близина на домот на Ендру Маунтбатен-Виндзор во Норфолк, јавува Би-Би-Си.
Инцидентот се случил околу 19:30 часот во среда во селото Волвертон, кое е во близина на кралскиот имот Сандрингам. Според полициските извештаи, надлежните служби добиле повик за вознемирувачко и застрашувачко однесување на непознато лице.
Според британски Телеграф, маж кој носел фантомка наводно се стрчал кон поранешниот принц додека бил на рутинска прошетка со своите кучиња. Маунтбатен-Виндзор и член на неговото приватно обезбедување успеале брзо да реагираат, да влезат во автомобил и да се оддалечат од местото на настанот, додека осомничениот наводно се обидел да трча по возилото.
Полицијата во Норфолк потврди дека осомничениот е однесен во станицата Кингс Лин на испрашување, каде што останува во притвор.
Драмата се случила во близина на Марш Фарм, имотот Сандрингам каде што Маунтбатен-Виндзор се преселил откако ја напуштил Кралската ложа во Виндзор.
Тој се повлече од јавниот живот и кралските должности поради неговата контроверзна поврзаност со покојниот сексуален престапник Џефри Епштајн.
Барање за коментар за инцидентот беше испратено до канцеларијата на Маунтбатен-Виндзор, но сè уште нема официјална изјава.
ИЗДВОЕНИ
ДВЕ ГОДИНИ ОД ВЛАДАТА НА ПРЕМИЕРОТ ХРИСТИЈАН МИЦКОСКИ, АНАЛИТИЧАРИТЕ ОЦЕНУВААТ: Половина мандат, половични оцени – најсериозните предизвици остануваат
Секој ден по две повреди на работното место, градежништвото останува најсмртоносно
Инспекторите им дишат во врат, Мицкоски им се закани со казни, ќе ги намалат ли цените маркетите?
Дизелот ќe поевтини за 7 денари, бензините до 4 денари по литар – Македонија со најевтини горива од соседите
