Најмалку 12 лица загинаа во шумски пожар во јужна Шпанија/видео

Шумски пожар во јужна Шпанија одзеде најмалку 12 животи, соопштија службите за итни случаи во регионот Андалузија во петок наутро.

Некои од жртвите биле пронајдени во возила, соопштија службите за итни случаи во објава на платформата „Икс“.

Пожарот избувнал во четврток попладне во општината Лос Галардос во покраината Алмерија, околу 300 километри североисточно од Малага, соопштија регионалните власти. Очевидци тврдат дека пожарот избувнал откако паднал далновод, а пожарот брзо се проширил на блиската шумска област. Сепак, властите сè уште официјално не ја потврдиле причината за пожарот.

Регионалниот министер за внатрешни работи Антонио Санц го опиша пожарот како „невидена трагедија“, велејќи дека тоа е „најразорниот пожар“ во Андалузија.

„Болката е огромна. Андалузија е во жалост, а нашите срца се со Алмерија и сите погодени“, рече тој.

Околу 150 пожарникари, пет противпожарни возила и друг персонал за итни случаи се бореа со пожарот во Лос Галардос, рече Санц, додавајќи дека жителите на неколку заедници се евакуирани како мерка на претпазливост.

Шпанскиот премиер Педро Санчез, исто така, изрази „длабока тага и очај поради ужасните последици од пожарите“ во објава на платформата „Икс“.

Шпанија се бори со серија шумски пожари во последните месеци. Од почетокот на годината, пожарите изгореа повеќе од 50.000 хектари земја, според Европскиот информативен систем за шумски пожари (EFFIS) на Европската комисија, пренесува „Хина“.

Spain wildfire death toll rises to 12….A wildfire that ripped through a hamlet in southern Spain killed 12 people, authorities said on July 10, as a heatwave stifled swathes of the country. Some of the dead in Bedar in Almeria province were found in vehicles, the regional… pic.twitter.com/Q3oe7DMwMD

— PRATEEK BAJPAI (@prateekbajpai07) July 10, 2026