Најдобар рејтинг за една година: Макрон е поддржат од 26 отсто од Французите, покажуваат резултатите од најнова анкета

Околу 26 проценти од Французите му веруваат на претседателот Емануел Макрон да ги реши проблемите со кои се соочува Франција, покажуваат резултатите од објавената анкета во која се наведува дека ова е најдобриот рејтинг за Макрон во последната година.

Емануел Макрон доби шест проценти поголема популарност меѓу Французите во споредба со истиот барометар објавен во мај, кој ја мери довербата на Французите во способноста на Макрон „ефикасно да ги реши главните проблеми со кои се соочува земјата“, според анкета на агенцијата Елаб, објавена од францускиот весник Еко.

Шефот на државата не постигнал таков резултат од мај 2025 година.

Премиерот Себастијан Ле Корнеј доби ист резултат со рејтинг од 26 проценти, или три процентни поени повеќе отколку во мај.

На листата на кандидати за претседателските избори во Франција во 2027 година, лидерот на крајно десничарската партија Национален собир, Жордан Бардела, останува најпопуларен со поддршка од 38 проценти.

Поранешните премиери Габриел Атал и Едуар Филип имаат квота за популарност од 32 проценти и 33 проценти.

Најмалку популарни се Бруно Ретахо од десничарската партија Републиканци со 27 проценти и лидерот на радикалната левица Жан-Лук Меланшон со 18 проценти популарност, се додава во анкетата, пренесе „Бета“.