Крит деновиве беше погоден од силни невремиња и обилни врнежи, при што во некои области беа регистрирани над 150 литри дожд на квадратен метар. Најтешко погодени беа регионите Ретимно, Ираклион и Ласити, каде што дојде до поплави, материјална штета и прекини во снабдувањето со електрична енергија и во сообраќајот.
Жителите и туристите се евакуирани од одредени погодени подрачја, а невремето, за жал, однесе еден човечки живот.
Се очекува временските услови постепено да се подобруваат почнувајќи од денес, иако процесот на расчистување и санирање на штетите ќе потрае.
Морето како сапуница
По силното невреме, Крит беше сведок на необичен природен феномен; во изминатите денови, морето околу островот изгледаше како некој да истурил сапун во него.
Огромното количество бела пена што се појави во водата ги шокираше локалното население и туристите.
Силните бранови и ветрот, во комбинација со воздухот и органските материи присутни во морето, создаваат пена која се наталожува долж брегот, создавајќи необична глетка.
Евакуирани жители
За потсетување, невремето на Крит траеше три дена, а жителите на островот сега се соочуваат со поплави и штети на домовите, земјоделските култури и инфраструктурата.
Во Зонјани, огромни количества вода ги претворија улиците во поројни текови, додека калта и наносите предизвикаа сериозни штети на имотот и инфраструктурата. Главниот проблем во областа е лоциран кај реката, каде што на многу места дошло до уривање на речното корито. Жителите се предупредени да се евакуираат од своите домови уште од вчера попладне.
Како што пренесува „Катимерини“, побарана е и воена помош за справување со ситуацијата и за ангажирање дополнителна тешка механизација.
View this post on Instagram
