Припадници на српското Министерство за внатрешни работи и Управата за криминалистичка полиција во соработка со Специјалното одделение за сузбивање на корупцијата на Вишото јавно обвинителство Ниш го уапсиле Н.А.(41), македонски државјанин, поради постоење на основи на сомнение дека сторил кривично дело „криумчарење“.
При контрола на граничниот премин Прешево, на влез во Србија, во автомобилот „ауди Q8“ во кој се наоѓал пријавениот, во багажникот меѓу лични предмети била пронајдена поголема количина ампули од медицински препарат.
На осомничениот му е одредена мерка притвор до 48 часа и со кривична пријава ќе биде спроведен до надлежното обвинителство.
