Како да се справиме со несоницата?

Специјалистката за несоница, Кетрин Пинкам, објасни дека многу луѓе прават грешки кои го одржуваат проблемот со спиењето. Една од најчестите е веднаш по будењето да се гледа часовникот и да се паничи за тоа дали сме спиеле доволно.

„Телото реагира како да е во опасност и го активира одговорот ‘бори се или бегај’, што само нè буди повеќе“, објаснува Пинкам. Таа нагласува дека несоницата честопати ја одржуваат нашите реакции на проблемот, а не самиот проблем.

Според NHS, долгорочната несоница често може да се ублажи со промена на навиките – како избегнување кофеин и алкохол навечер, одржување редовен распоред на спиење и когнитивно-бихејвиорална терапија која помага да се промени однесувањето и размислувањето поврзано со спиењето.