Израел денес ги крена борбените авиони и го пренасочи патничкиот авион што беше на пат кон аеродромот Бен Гурион во Тел Авив кон Кипар, откако пилотот на бугарскиот патнички авион „Електра ервејс“ на лет од Варшава го активираше сигналот за киднапирање во пилотската кабина, кој потоа брзо беше повлечен како грешка, објави телевизијата „N12“.
Пилотот на авионот што леташе на линијата Варшава-Тел Авив го притисна копчето за итни случаи што сигнализира киднапирање во тек, по што набрзо објави дека имало грешка и дека ситуацијата е под контрола, објавува порталот Jfeed.
И покрај последователното објаснување на пилотот, израелските власти реагираа како претпазливост, кренаа борбени авиони и наредија летот со околу 180 патници да биде пренасочен кон Кипар.
Тој веднаш ги известил властите за конфузијата, но израелските власти како мерка на претпазливост испратиле борбени авиони и наредиле авионот да биде пренасочен. Овој потег привлече големо внимание, а летот станал пошироко следен на Flightradar24, при што повеќе од осум илјади луѓе ја следеле неговата рута.
Конечната дестинација и местото на слетување на авионот сè уште не се официјално потврдени, но се верува дека слетале на аеродромот Бургас во источна Бугарија.
ИЗДВОЕНИ
Компромисот за деблокадата на Изборниот законик во рацете на координаторите
Асистентка уапсена по пријава на студент од Турција: фатена со обележани сто евра
Пченицата се откупува по цена на едно јајце, земјоделците се откажуваат од лебното жито
Млекото падна на 21 денар за литар, субвенциите доцнат една година, а добитокот нема што да јаде
