Израел денес изврши неколку воздушни напади во јужен Либан, при што загинаа најмалку четири лица, а милитантната група Хезболах соопшти дека испукала ракети и беспилотни летала, вклучувајќи едно што падна во северен Израел и повреди двајца војници.
Израелската војска и Хезболах продолжија да се напаѓаат едни со други и покрај прекинот на огнот што е во сила од 17 април.
Либанската државна Национална новинска агенција објави дека четири лица се убиени во напади врз три села во јужен Либан.
Израелската војска денес ги повика жителите на селото Хабкуш во близина на јужниот град Натије да се евакуираат, предупредувајќи ги оние што живеат во близина на објектите на Хезболах дека се ставаат во опасност ако останат.
Хезболах издаде шест соопштенија до пладне во кои тврди дека испукал беспилотни летала и ракети врз израелски воени позиции. Израелската војска потврди дека Хезболах лансирал експлозивно беспилотно летало кое паднало во северен Израел во близина на границата со Либан, пренесе „Бета“.
