Иранската влада официјално се жалеше до Организацијата на Обединетите нации за образование, наука и култура (УНЕСКО) за штетата на неколку споменици од културното наследство на Иран, вклучувајќи ги Голестанскиот дворец и познатата Голема чаршија во Техеран, поради воздушните напади на САД и Израел врз Техеран, објави „Ал Џезира“.
Поранешната палата на Шах во Голестан, позната како Версај на персискиот свет и вклучена во списокот на светско наследство на УНЕСКО, беше оштетена во воздушните напади, а иранската влада објави фотографии што ја покажуваат штетата.
Голестанскиот дворец, која датира од 16 век, била користена како двор и резиденција од поранешната династија Каџари, а по нив и династијата Пахлави, сè до Исламската револуција во 1979 година.
После тоа, палатата беше запечатена, а потоа повторно отворена за јавноста во 1998 година, а дури во 2013 година УНЕСКО ја вклучи оваа зграда на својата листа на светско културно наследство.
Тоа е декоративно и уметничко ремек-дело, со царски комори, сали за државни работи, шарени декоративни плочки и ниши со декоративни фигури, пренесува „Танјуг“.
Голестан на персиски значи градина со рози, а комплексот Голестански дворец, изграден во 16 век, се состои од осум различни архитектонски структури распоредени околу цветни леи, базени и фонтани.
ИЗДВОЕНИ
ПО НЕВРЕМЕТО ПОЧНА ПОСТАПКАТА ЗА ОБЕСШТЕТУВАЊЕ: Се бројат штетите, ќе се санира ли пустошот со пет проценти?
Партизанската печатница во Битуше го преживеа пожарот, но не и негрижата
Словенија дава 2.000 евра за крава, Албанија го зголемува извозот, а Македонија станува зависна од увоз
Никој не знае што јадеме и што пиеме, Гостивар ги активира контролите и пријавите
